اعتبر محمد الغلوسي، رئيس الجمعية المغربية لحماية المال العام، بأن الإرادة السياسية هي الكفيلة بالتصدي لمعضلة الفساد، لافتا إلى أن الشفرة والإفلات من العقاب من العوامل التي تعرقل تقدم المغرب.
وقال الغلوسي، خلال استضافته في برنامج “بدون لغة خشب”، اليوم الجمعة (8 يونيو)، على إذاعة “ميد راديو”، “الدولة اليوم عارفة بأن هاد الطريقة ما كتخرجش يلا مشينا فيها، والمغرب كان توضع فاللائحة الرمادية من طرف مجموعة العمل المالي، وفي طرف وجيز خرج منها، لأن مجهود تدار، وأنا على يقين بأن هاد المجهود يلا تدار فمحاربة الفساد غنتقدمو”.
وتساءل الغلوسي: “باش فايتانا السبليون؟ بامكاننا نكونو بحال السبليون ولا حسن منهم، علاش ما كنتقدموش؟”، ليجيب على أسئلته بالقول: “لأنه عندنا المخرة وتاشفارت والإفلات من العقاب اللي كيعطي السيبة”.
وتابع رئيس الهيأة الحقوقية: “كاينين مسؤولين اللي جالسين فكراساهم وما بغاوش يخويوها حيت كيبغيو يبقاو جالسين على داك الخماج والفساد ديالهم حتى يموتو… وعندنا حيثان كبرى ما كيقرب ليهم حد”.
وعن استفحال أزمة الفساد رغم إحداث المغرب، منذ سنوات، لمجموعة من الآليات لمكافحة الفساد؛ ومن بينها “الهيأة الوطنية للنزاهة والوقاية من الرشوة ومحاربتها” و”اللجنة الوطنية لمكافحة الفساد”، قال الغلوسي: “عندنا تضخم فالمؤسسات، وعندنا نصوص قانونية، ولكن علاش عندنا نصوص كتعاقب وفالمقابل المال العام كيمشي؟! وملي كنقول الزيادة فالأجور كتقول لينا الحكومة الميزانية لا تسمح، لو أنه انصبت الجهود على مكافحة الفساد، من الجميع، راه أمورنا غتمشي”.
وأضاف المحامي في هيأة مراكش: “عندنا الفقر والظلم والشفرة، ولكن كون على يقين، كون كانت عندنا إرادة سياسية للتصدي لهاد الشي بلادنا غتكون نموذج”.
