يستضيف اليوم الجمعة (12 يونيو)، الإعلامي رشيد العلالي، في برنامجه “رشيد شو”، الذي يبث على القناة الثانية، العالم المغربي منصف السلاوي، في حلقة خاصة يتحدثان فيها عن مسار السلاوي وعن آخر مستجدات لقاح فيروس كورونا المستجد.
وكشف العلالي، في اتصال هاتفي مع موقع “كيفاش، أهم كواليس هذه الحلقة الاستثنائية، التي صورت عن بعد، نظرا لإقامة البروفيسور في الولايات المتحدة الأمريكية.
ونوه صاحب برنامج “رشيد شو” بالتواضع الكبير للعالم منصف السلاوي، مؤكدا أنه “قبل الدعوة من أول طلب، ولم يتردد ولو للحظة لتلبية النداء، خاصة أن البرنامج سيشاهده عدد كبير من المغاربة”.
وجاء في معرض حديثه: “تواصلت معاه فالأول بمايل، صيفط ليه باللي شرف كبير ليا يدوز معايا فالبرنامج لأنه مفخرة لينا كمغاربة… وصيفط ليه بعض الحلقات يشوفهم”.
وأضاف العلالي: “التجاوب ديالو كان سريع بزاف وبصراحة بهرني، واخا عندو انشغالات كثيرة ولكن كيجاوب بسرعة ومتواضع بزاف”.
وحول مضمون الحلقة، قال العلالي: “الحلقة هضرنا فيها على المسار ديالو وعلى فين وصل اللقاح ديال كورونا، وكشف فيها السلاوي كيفاش الأخت ديالو ماتت بالعواية، وجاوب فيها حتى على دوك اللي كيقولو ماشي مغربي، وقال أنا مغربي وعزيز عليا المغرب وهو فين قريت وكبرت”.
وكشف العلالي موقفا طريفا حدث له مع العالم المغربي، وقال مستغربا: “صورنا مع 5 ديال الصباح ديالهم، وفاش سولتو علاش هاد الوقت، قال ليا أنا فقت مع 3 وفطرت ودرت الرياضة”، مستدركا: “السيد منظم بزاف، وما كيضيع حتى دقيقة من النهار”.
وردا على من استغربوا من استضافة العلالي عالما في مجال الفيروسات والأوبئة، قال العلالي: “برنامجي جبت فيه ناس من مختلف المجالات، وبصاح دازو بزاف ديال الفنانين، ولكن راهم ناس مشرفين المغرب وعندهم مكانتهم في مجالاتهم، ونفس الشيء الرياضيين، وكنت جبت من قبل شباب وأطفال واعرين، بحال مريم أمجون وإيدير مطيع، ومنصف السلاوي اسم كبير وفخر للمغاربة وهادي فرصة المغاربة يتعرفو عليه، وما غاديش يكون آخر واحد فمجال العلوم اللي غادي يدوز معايا”.
