عبر مدرب المنتخب الوطني الأولمبي، طارق السكيتيوي، عن خيبة أمله بعد الإقصاء من دور نصف نهائي أولمبياد باريس، على يد المنتخب الإسباني.
وقال السكيتيوي في تصريح لقناة الرياضية بعد المباراة، إن “كنا باغين نمشيو للنهائي وما كتابش، وعلى حسب مجريات المقابلة بدينا ببزاف ديال الأخطاء التقنية، كان شوية التسرع فاش كنبغيو ناخذو البالون في 20 دقيقة الأولى، كنا كنبغيو نمشيو للأمام بواحد السرعة مفرطة ومن خلالها كنضيعو الكرات”.
وأضاف “من بعد بدينا كندخلو فالمباراة تدريجيا وتمكنا من إحراز هدف ومشينا المقابلة بطريقة جيدة لحتى لبين الأشواط، دخلنا كذلك واقفين بطريقة جيدة حيت كنا عارفين أن الفريق الخصم غادي يضغط ويكثف من الهجمات ديالو ولكن كنظن أننا كنا واقفين بطريقة جيدة حتى جات هاديك الكرة اللي يمكن درنا خطأ كنا في غنى عنه”.
وواصل السكيتيوي أن “الهدف الأول جا في وقت حرج، واللي كنا واقفين مزيان وكانو هما باردين بحال يلا فيقناهم، وولاو أكثر خطورة، ولكن في فترة من الفترات غيرنا البلوك ديالنا وولينا حنا الأفضل فهداك الوقت بقات غادا المقابلة حتى للدقيقة اللي جا فيها الهدف عن طريق السهو وجا في وقت قاتل ما سمحش لينا نديرو الأوراق الهجومية ديالنا رغم أننا حاولنا ولكن التوقيت كان قليل بزاف”.
وحتم الإطار الوطني تصريحه بالقول “على العموم الخير فيما اختاره الله مرة أخرى، وهذا درس لهاد لاعبين شباب المستقبل، ودابا ما زال عندنا ميدالية خاصها تربح ونجحو هاد المجيء ديالنا لهنا بميدالية برونزية إن شاء الله نرجعو بها للمغرب”.
