علق الناخب الوطني وليد الركراكي، عن اللائحة النهائية للاعبين الذي استدعاهم للمشاركة رفقة المنتخب الوطني في كأس أمم إفريقيا، مشددا على أنه “100 فالمية ظلمت شي واحد”.
وقال الركراكي، خلال الندوة الصحافية التي عقدها اليوم الخميس (28 دجنبر)، بمركز محمد السادس بالمعمورة، “100 فالمية ظلمت شي واحد، الكرة هي الظلم، ديما واحد كيحس براسو مظلوم، وديما كاين واحد الجمهور كيحس براسو مظلوم على اللعاب ديالو، أنا ولدي كيحس براسو مظلوم ملي ما كنخلصش ليه سبرديلة ولا شي حاجة”.
وأضاف “بالحق أنا مخلص وجابوني هنا باش ندير الاختيارات ديالي وندير أحسن اختيار بالنسبة ليا هادي هي المسؤولية ديالي”.
وتابع أنه “بالفعل كاين شي دراري اللي كان خاصهم يكونو ولكن ما لقيت ليهم جهد، وكاين شي تفاصيل مع هاد اللعابة اللي جبت من ناحية الثقة وشحال من حاجة، والنتيجة هي اللي كتبين واش عندي الحق ولا لا”.
وأشار الناخب الوطني إلى أن “اللائحة ديال 55 لاعب اللي كنت درت، را غير باش نديرها كان صعيب عليا، وما زال عندنا الزهر حيت كون كان 23 لاعب را كان خاصني نحيد 3 ولا 4 اللعابة آخرين من هادو اللي عيطت عليهم”.
وختم حديثه بالقول “خاصنا نفرحو حيت فالمغرب وصلنا لواحد النيفو كبير، والمستوى الحمد لله طلع”.
