أشاد وليد الركراكي، مدرب المنتخب الوطني المغربي، بالمستوى الجيد الذي ظهر به أسود الأطلس، يوم أمس الجمعة (23 شتنبر)، في المباراة التي جمعتهم بمنتخب التشيلي وانتهت بهدفين دون رد لصالح المغاربة.
وقال الركراكي، في تصريحات تلفزيونية: “الروح الجماعية هي اللي ميزاتنا وكانت سر الفوز ديالنا، وهاد الشي اللي عجبني بزاف في الفرقة ديالي، وحماس اللاعبين من أجل الفوز كان كبير”.
وأضاف “منتخب التشيلي ماشي منتخب ساهل، ولعبو معانا بإيقاع مرتفع، وعندو مجموعة من اللاعبين اللي مزيانين”.
وتابع: “عندي لعابة مزيانين بحال الفيراري وكنتيق فيهم، وواخا الوقت ضيّق فهموا مزيان شنو بغيت.. كلشي كيجري وكلشي كيتقاتل بلا فهامات، وحنا خدامين على تطوير الأداء ديالنا”.
وواصل حديثه بالقول “الحمد لله فرحانين بالرباح، ولكن ما زال كتسنانا الخدمة ونصحو بعض الأخطاء بحال اللي وقعو في الشوط الأول حيت بحال هاد الأخطاء يقدرو يعاقبونا في المونديال أمام كرواتيا وبلجيكا، خاصة في المرتدات الهجومية”.
وختم تصريحه بالحديث عن ودية الباراغواي، قائلا “غادي نوجدو مزيان للباراغواي باش نقدمو مستوى أفضل”.
يشار إلى أن الركراكي نجح في أول اختبار له مع أسود الأطلس، حيث أشاد مجموعة من متتبعي الشأن الكروي بمستوى لاعبي المنتخب الوطني المغربي أمام منتخب التشيلي.
