أحمد فنان
لم يخف الموسيقي الحاج يونس “غضبه” من الفنانة فاتن هلال بيك، قائلا: “كنت أحب كثيرا فاتن هلال بك، كانت كتعجبني ديك البنيتة، وعندها طاقات خطيرة، ولكن غير محظوظة”، مردفا: “أنا واخا تقول فيا أي حاجة ما غادي نقول عليها والو، أنا غضبان عليها”.
الشعور نفيه يحمله الموسيقي تجاه الفنانة أسماء لمنور، مشيرا إلى أنها تنكرت له، قائلا: “أسماء تنكرات ليا، كنت كنموت عليها، وعندها واحد الأب الله يعمرها دار، كنت حاطها فحال باها.. ويلا كانت جلسة ما مزياناش ما كنديش أسماء، وكنت كنعطيها كاشي مزيان”.
ولم يخف الحاج يونس، خلال استضافته في حلقة برنامج “في قفص الاتهام”، التي بثت اليوم الجمعة (15 أبريل)، على إذاعة “ميد راديو”، رغبته في عودة أسماء إلى غناء الأغنية الطربية، قائلا: “أنا بغيتها شوية ترجع للطرب، لأن هاد النوع ديال الفن لا يعمر كثيرا”، في إشارة إلى نوعية الأغاني التي غنتها الفنانة المنور في الأونة الأخيرة.
وفي المقابل عبر الحاج يونس عن “فخره” بالفنانة سعيدة شرف، قائلا: “الصحراوية الغزالة ديالنا فرحان بيها دايما كتقول في التلفزيون أنه لولا الله والحاج يونس ما غاديش تكون سعيدة شرف”.
وعن الفنان سعد لمجرد، قال الحاج يونس: “سعد ضريف، مزيان، وكنفرح ملي كنشوف شي مغربي كيغنيو ليه المصريين”، مضيفا: “عندو فرصة يزيد ما زال بالأغنية المغربية القدام”.
ونفى الموسيقي أن يكون توسط لأي فنان في بداية مساره، وقال: “كاين فرق بين نتوسط ونعلم، بحال نقول هاداك أو هادك ردو ليه البال، علاش حيث حتى أنا دزت من هاد المرحلة”.
وأشار إلى أنه قدم الدعم إلى بعضهم، مثل الفنانة نضال إبورك، حيث قال: “جات عندي من القنيطرة هيا ومامها، قالت ليا غادية للبنان، سمعتها غنات، ومن بعد عطيتها أغنية قلت ليها غادير بها حالة وهي أغنية البوسطاكية، ملي مشات لبنان قال ليها رئيس اللجنة نقطع يدي يلا كنتي انت اللي ختارتي هاد الأغنية”.
وقال الحاج يونس إنه ليس بإمكانه تلحين أغاني مماثلة لأغنية “عطيني صاكي”، و”تسونامي”… مبررا ذلك بكونه “الفنان بحال الأستاذ ملي كيدخل القسم ما كيقولش للطلبة أش نقريكم ولكن كيقريهوم داك الشي اللي بغا.. حنا خلينا في الطرب”.
