الأسود رجعو للمدرسة.. دروس عن أسلوب لعب أنغولا

جمال الرياضي
اللاعبين ديال المنتخب الوطني غادي يرجعو للمدرسة، يوم الثلاثاء المقبل (8 يناير)، فالعشية غادي يدخلو اللاعبين ديال الفريق الوطني للقسم مباشرة من بعد ما غادي يلعبو ضد زامبيا فمباراة ودية.
مصدر من بعثة الأسود إلى جنوب إفريقيا أكد لموقع “كيفاش” أن الإطار الوطني فتحي جمال غادي يقدم للاعبين تحليل بصور الفيديو والإحصائيات والأرقام عن خطة لعب أنغولا ونقط القوة والضعف ديالها. من بعد غادية تجي النوبة ديال الطاوسي باش يشرح للاعبين كيفاش غادي يحد من نقط قوة الأنغوليين ويستغل نقط الضعف ديالهم.