كيفاش
بدا الفنان الكوميدي إيكو على غير عادته، اليوم الجمعة (9 يناير)، خلال استضافته في برنامج «في قفص الاتهام» على ميد راديو.
الكوميدي، الذي أضحك المغاربة كثيرا، بدا متأثرا وغاضبا بعد الهجوم عليه بسبب سكيتش «مول الحانوت»، خلال سهرة رأس السنة على الثانية الثانية.
وقال إيكو في البرنامج: «أنا ضحكت وما هجروهش ليا، حيت أنا ما كبرتش في ميريكان، أنا كبرت فحانوت وبعت وشريت فجامع الفنا، وعبرت التحميرة، ودرت سكيتش على مول الحانوت حيت كنبغيه، لكن شي وحدين ناضو دابا شي وحدين كيرسلو لي ميساجات السبان والقذف، واش هاد الناس يلاه تفكرو مول الحانوت؟ واش أنا عايرتو؟ علاه أنا اللي كناكل ليه رزقو».
وتساءل إيكو: “علاش ملي كنقلد الناس ديال فاس ما كيتقلقوش. وعلاش اللي كيقلد العروبية ما كيتقلقوش؟ علاش غير هادو بوحدهم اللي غضبو؟».
وأكد إيكو أنه لم يفعل شيئا خاطئا، قائلا: «راني ما درت والو، أنا إنسان عفوي، أنا ما عايرتش وما سبيتش، أنا غنيت أغنية على واحد السيد اللي حنا منو وهو منا، وشي وحدين محسوبين على الأمازيغيين هوما اللي بغاو يركبو على هاد السكيتش».
وتأسف إيكو لما يتعرض له الفنان المغربي من مضايقات، قائلا: «أنا ضرني أن الفنان فالمغرب تّسب ليه الوالدة ديالو، الفنان من حقو يدوي في أي موضوع بغا، واش ولّى خاصنا قانون باش نعرفو آش نقولو كفنانين؟ أنا ما بقيتش فنان ملي تعايرات لي مي، وكون كانو واعرين يجيو يوقفو لي قدامي ويقولوها». وأضاف: «راني تعقدت حيت شفت شي ناس كينتقدوني غير محسوبين على واحد التيار، أنا ما غلطش، وما غاديش نتعذر، وشرحت للناس، أنا أمازيغي».
وأعاد إيكو التأكيد أنه يفكر في الاعتزال “حيت ما بغيتش نطيح فشي مواقف خيبة، وما بقا والو ونلقى القرار ديالي، وراني ما غاديش نموت بالجوع حيت خدمت فبزاف ديال المهن ودرت تاكباصت وتاصباغت ورزقي على الله، أنا قريت الفن، واللي كيقول داك الشي اللي كندير غير حلقة كنقول ليهم راه الحلقة فن، اللي كيسب فنان وكيقول ليه حلايقي راه غالط».
