• الخير موجود والغلا لاش.. أيام “سوداء” تنتظر الوسطاء والمحتكرين في أسواق المملكة!!
  • حمله مسؤولية الإقصاء من الموندياليتو.. فصيل “الوينرز” دخل وخرج فسعيد الناصري
  • بعد سوريا وتركيا.. هزة أرضية بقوة 4.8 درجات تضرب فلسطين
  • أزمة اللحوم واش غادي يفكّها استيراد الأبقار؟ وشنو اللي مغلّي ماطيشة؟.. وزيرة الاقتصاد توضح!
  • ريدوان: “الفيفا” فرحانة… وإنفانتينو عيط ليا قالي الأغنية خيالية وبورشاتني
عاجل
الجمعة 20 يناير 2023 على الساعة 14:00

مهمة للمناطق اللي صبّات فيهم.. التساقطات المطرية الآخيرة تنعش آمال الفلاحين

مهمة للمناطق اللي صبّات فيهم.. التساقطات المطرية الآخيرة تنعش آمال الفلاحين

استبشر فلاحو عدد من مناطق المملكة خيرا بالتساقطات المطرية، التي هطلت في اليومين الماضيين، والتي أنعشت آمالهم من أجل موسم فلاحي جيد.

وفي تعليقه على الموضوع، قال محمد رياض، رئيس الغرفة الفلاحية في جهة بني ملال خنيفرة في تصريح لموقع “كيفاش”، إن “هاد الشتا اللي صبات هاد اليومين ما كانتش عمومية، والمناطق الفلاحية اللي صبات فيهم غتكون مهمة ليهم بزاف فهاد الوقت لواحد الدرجة لا تصور على البال، لأن الفلاحة طريقة النمو ديالها غتكون بطريقة حسنة”.

وأضاف “باش نعرفو الأهمية ديال هاد الشتا اللي صبات هاد اليومين غنشوفو المناطق اللي ما صباتش فيهم، بحالنا حنا الوضعية عندنا صعبة جدا وما زال محتاجة للشتا بزاف فهاد الوقت، ولكن يلا فاتت هاد الوقيتة واخا تصب ما عندها باش تفيد الفلاحة”.

وتابع “نتمناو تصب الشتا فهاد الأيام فالمناطق اللي محتاجة ليها وما صباتش فيهم باش نقدرو نعتقو الوضعية ديال الفلاحة ديالنا”.

وبالنسبة للارتفاع الذي تعرفه أسعار أغلب الخضر والفواكه، قال محمد رياض إن “هاد الارتفاع را ماشي ناتج بالدرجة الأولى عن تأخر الأمطار باش نكونو واضحين، حيت هاد الخضر والفواكه كتسقى بالآبار”.

وأوضح “هادي وضعية عامة اللي جعلت هاد المواد يغلاو، مثلا نقص المياه الجوفية وحتى نقص الشتا بحد ذاتو حيت النقص ديال السنوات اللي دازو كيأثرو على هاد الموسم”، لافتا إلى أن “الفلاحة ما فلحوش الخضر والفواكه بزاف بحكم نقص منظور الموارد المائية”.

وختم حديثه بالقول “بالفعل كون جات الشتا غادي يعمرو الآبار ولكن ما غادي ينقص الثمن ديال هاد الخضراوات حتى نعاودو نغرسوهم”.