• بسبب العنف ضد الأصول وتهديد عناصر الشرطة.. توقيف شقيقين في مدينة زايو
  • حصلوهم كيشيشو فمقهى.. أمن الناظور يوقف 40 شخصا بشبهة خرق الحظر الرمضاني
  • بمشاركة مندوب “لاليغا”.. معرض “سربانتس” الرباط يعرض أول قاموس عربي إسباني لكرة القدم
  • الضغوطات وكثرة الاحتجاجات والأجواء.. السلامي يكشف أسباب رحيله عن الرجاء
  • الدار البيضاء..المديرية الإقليمية للتربية تُطلق برنامجا للدعم النفسي لفائدة التلاميذ
عاجل
الجمعة 02 أبريل 2021 على الساعة 13:10

مصطفى لخصم: أنا فاش كنت بطل زكرياء مومني كان ما زال كينقز!

مصطفى لخصم: أنا فاش كنت بطل زكرياء مومني كان ما زال كينقز!

رد البطل العالمي السابق مصطفى لخصم على ادعاءات اليوتيوبر زكرياء مومني، مؤكدا أن هذا الأخير لم يشارك معه في المنتخب الوطني ولا حتى نفس الرياضة.

وكان زكرياء مومني، قد نشر تدوينة على الفايس بوك، أمس الخميس (1 أبريل)، يدعي فيها أنه كان زميلا لمصطفى لخصم في نفس النادي وفي المنتخب الوطني، وهو ما نفاه مصطفى لخصم جملة وتفصيلا.

وأوضح البطل المغربي السابق، في اتصال مع موقع “كيفاش”: “فاش كنت كنجي للمغرب نتدرب، الجامعة كانت كتشوف ليا نوادي نتدرب فيهم، وهاد الشي كتديرو للتحفيز ديال الناس اللي عاد بادية باش يشوفو الأبطال المغاربة معاهم فالنوادي، زكرياء مومني كان فواحد النادي فالرباط وكنت مرة مرة كنتدرب فيه وتما فين كان كيشوفني”.

وتابع: “ما لعبش معايا في المنتخب الوطني، حيث أصلا أنا كبير عليه فالعمر وأنا فاش كنت بطل وهو مازال دري صغير وكينقز فلاصال، وأصلا ماشي نفس الرياضة، أنا كنت محترف وكندير كيك بوكسينغ وفول كونتاكط، أما هو كان كدير اللايت كونتاكط وهذا واحد النوع ديال المضاربة اللي ممنوع تضرب فيه الخصم ديالك بالجهد، وهادي ماشي الرياضة ديالي أنا”.

وأضاف: “أنا ما كانتش عندي معاه علاقة شخصية، هو كان فقط ولد لاصال اللي كنتدرب بيه بعض المرات مع الجامعة، وأنا بحكم كنت بطل كانو كيجيو الدراري الصغار يهضرو معايا حتى هو نيت، وهو كان فمنتخب اللايت كونتاكط وهاد الشي ما عندي علاقة بيه، وأصلا هما كانو على المستوى الوطني فقط ما كانتش شي حاجة دولية”.