• هاجمت “إخوان تمارة”.. الزاهيدي تقدم استقالتها من البيجيدي
  • بعد تبرعه بالدم.. العثماني يدعو المغاربة إلى إنقاذ الأرواح
  • تهديد/ رشق القوات العمومية بالحجارة/ توقيف 13 شخصا.. نهاية “العصيان” في حي مولاي رشيد في كازا
  • هدية وسوء سلوك مالي.. الفيفا تكشف سبب إيقاف أحمد أحمد
  • فهم تصطّى مع العدل والإحسان.. نقاش حول أمريكا وفلسطين وصمت على البوليساريو والكركرات!
عاجل
السبت 14 نوفمبر 2020 على الساعة 15:00

مختص في الإنعاش والتخدير: ما تحكروش اللقاح الصيني… ملي غيوصل أنا غنديرو

مختص في الإنعاش والتخدير: ما تحكروش اللقاح الصيني… ملي غيوصل أنا غنديرو

أكد البروفيسور سعيد متوكل، عضو اللجنة العلمية والتقنية الوطنية لدى وزارة الصحة، أنه سيتلقى “بدون تردد” اللقاح الصيني الذي سيستعمله المغرب في الحملة الواسعة للتلقيح ضد كورونا، التي ستنطلق بعد أسابيع.

وقال البروفيسور متوكل: “المرض موجود بيناننا وخاصنا الوقاية منو”، مضيفا: “أنا غندير اللقاح، أنا والزوجة ديالي اللي حتى هي طبيبة، هذا قرار محسوم لأن اللقاح اللي غيكون فالمغرب، ديال سينوفارم، هو لقاح يعتمد على الفيروس اللي فقد المفعول ديالو (الفيروس الوهن)، يعني فقد المفعول المرضي ديالو، وهاد الفاكسان كيعطي نتائج إيجابية لحد الآن”.

وعن التخوفات التي رافقت الإعلان عن الإعداد لإطلاق الحملة الوطنية للتلقيح ضد كورونا، قال الرئيس السابق لقسم الإنعاش الطبي في المستشفى الجامعي ابن رشد في الدار البيضاء، “كل مختص علمي لا بد له من ذرة من الشك، لا يمكننا التقدم فالبحث العلمي بلا شك، وثانيا كنعبرو بين المخاطر والإيجابيات ديال اللقاح، وفهاد اللقاح الإيجابيات أكبر من المخاطر، لأنه يعتمد على تقنية معروفة جدا كتخليه ما يكونش عندو مخاطر”.

وأشار الدكتور متوكل، المختص في التخدير والإنعاش، خلال استضافته في برنامج “بدون لغة خشب”، أمس الجمعة (13 نونبر)، على إذاعة “ميد راديو”، إلى أن البحوث والتجارب السريرية التي جرت بالنسبة إلى اللقاح الذي سيعتمده المغرب، والتي شارك فيها 5000 شخص “ما بانوش عليهم أعراض خطيرة، كاينة أعراض جانبية خفيفة، بحال آلام في موضع اللقاح آلام فالرأس وهاد الشي أعراض عادية”، قبل أن يردف “لا تستهينوا باللقاح الصيني”.

وأضاف البروفيسور متحدثا عن بعض المشكيكين في اللقاح: “ملي تكون كتسمع لشي واحد خاصك تكون كتعرف أشنو من ورا الهضرة ديالو، شفنا فيديوهات كتهضر على ما يدارش اللقاح… فاش كنقولو اللقاح راه عندو ضوابط وطرق للتصنيع، وعندو خصائص، وتقنيات باش كيتصاوب، والطريقة المعروفة حاليا هي التقنية ديال تحويل الفيروس الى فيروس وهن، وهاد اللقاح داز من مراحل، تجرب على خلايا تم الحيوان تم الإنسان، علاش غيكون عندي فيه الشك؟”.

وتابع: “عندنا مرض كيقتل الناس الكبار، ويقدر يقتلني أنا ولا عائلتي، عندنا وباء عندو مفعول سلبي صحي ومفعول اقتصادي ووقف العالم، وما عندناش دواء فعال، وعندي ضغط على المنظومة الصحية، دابا كاين واحد النور خرج بفضل مجهودات الناس، وكيقولو لينا راه اللقاح نتائجو إيجابية، وخصوصا هاد سينوفارم، وهنا كنقولو بأن لا علاقة بسنورفارم بداك الشي اللي طرا فالبرازيل”.

وقال الدكتور متوكل: “أنا غدا داك الفاكسان يدخل غنديرو، وملزم عليا من الناحية الأخلاقية ما نعرضش المريض ديالي للخطر، أنا غناخد القاح، وخاصني نلقح راسي باش نحمي المرضى ديالي والناس لاخرين”.