• فاس.. والد تلميذة يرسل أستاذة رياضيات إلى المستعجلات
  • لاسترجاع أرشيف عبد الكريم الخطابي.. المغرب يراسل السلطات الفرنسية
  • آيت الطالب: تصنيع اللقاحات سيعزز الاكتفاء الذاتي للمغرب ويخول له تصديرها (فيديو)
  • الانفصالية تناور من جديد.. “لارام” توضح أسباب منع أمينتو حيدر من السفر
  • عاجل.. الحدود تحلو والرحلات الجوية رجعات
عاجل
الجمعة 10 ديسمبر 2021 على الساعة 15:05

ماتش “معنكش”.. كريمو ومومن يكشفان توقعاتهما للديربي المغاربي

ماتش “معنكش”.. كريمو ومومن يكشفان توقعاتهما للديربي المغاربي

مواجهة نارية تنتظر المنتخب الوطني المغربي الرديف ونظيره الجزائري، يوم غد السبت (11 دجنبر)، برسم دور ربع نهائي بطولة كأس العرب، والتي تستضيفها قطر إلى غاية يوم 18 دجنبر الجاري.
وستتميز مباراة المغرب والجزائر بالندية والإثارة، حيث أكد المدرب الأسبق للمنتخب الوطني، حسن مومن، والدولي السابق، ميري كريمو، أنه يصعب التكهن بنتيجتها مهما تباعد أو قرب أداء المنتخبين.

ماتش صعيب
وأكد حسن مومن في تصريح لموقع “كيفاش”، أنه من الصعب التكهن بنتيجة المباراة التي ستجمع المنتخب المغربي بنظيره الجزائري، مؤكدا أن المقابلات التي تجمع الفريقين دائما ما تكون صعبة.
وقال مومن “دائما المقابلات بين المغرب والجزائر كتكون فيها واحد الندية كبيرة بغض النظر على الفريق اللي كيكون فأحسن أحواله ولا الأسوء… بحال الماتش ديال الرجاء والوداد ديما كيكون صعيب علينا نتكهنو شكون اللي غيفوز”.
وأضاف “الفريق الجزائري فريق محترم وعندو المقومات ديالو وكيتواجدو معاه دابا 5 لاعبين رسميين فالفريق الأول… هاد الشي علاش كنظن أن المباراة غتكون قوية على جميع المستويات”.

الثقة فعموتة ووليداتو
وشدد مدرب المنتخب الوطني الأسبق على ثقته الكبيرة في “عموتة ووليداتو”، قائلا “عندنا ثقة كبيرة فاللاعبين ديالنا وفالمدرب عموتة وفالتفكير ديالو والخطط اللي غادي ينهجها فهاد المقابلة”.
وأشار إلى أن المنتخب الوطني “يلا مشى فنفس النهج والمسار اللي مشى عليه فالمقابلة الأولى والثانية والثالثة، رغم أننا لعبنا بفريق ما لعبش فالمباريات الأولى، أكيد أنه غادي يكون صراع كبير، خاصة على مستوى وسط الميدان، حيت تما فين كاين القوة ديال الفريق الجزائري”، مضيفا “ولكن الحمد لله عندنا لاعبين اللي عندهم تجربة كبيرة، لاعبين اللي كيجيبو الألقاب، لاعبين اللي دازو من هاد المحطة الإقصائية اللي دائما كتكون صعيبة فمسار أي فريق”.

تغييرات في التشكيلة
وبخصوص إمكانية حدوث تغييرات في تشكيلة عموتة، قال مومن “ما كنظنش أنه غيكون شي تغيير خاصة المجموعة اللي لعبات المباراة الثانية ربما تقدر تكون 100 في المائة”.
وأضاف أنه “إذا كان تغيير ما في التشكيلة فغيكون لسببين “يا إما كاين شي حالة صحية ماشي هي هاديك، أو شي لاعب ما غيدخلش فالخطة ديال المدرب، ولكن كنظن أنه بالنسبة للمجموعة اللي لعبات المقابلة الثانية بما فيها أزارو والبركاوي هي اللي غتكون لاعبة فهاد الماتش، والحداد على الجهة اليمنى وبنشرقي فالجهة اليسرى”.

الجماهير المغربية
وفي حديثه عن الجماهير المغربية، قال حسن مومن، “الجماهير المغربية الحب ديالها للمنتخب الوطني، والتفاني ديالها فالتشجيع، والحضور ديالها المتميز بالأخلاق ديالها العالية غادي تكون حاضرة بقوة وغادي تشجع على جميع المستويات، وغادي تعطي صورة جميلة كيفما عطاتها فالسابق فجميع المحافل الدولية”.
واختتم حديثه بالقول إن “هادي كرة قدم، مقابلة رياضية، وكتبقى دائما فهاد المجال وما غاديش يمكن لينا نخرجوها من السياق ديالها”.

فريق عنيد
ومن جهته، اعتبر الدولي السابق، ميري كريمو، هو الآخر، أن المقابلة التي ستجمع الأسود بالمنتخب الجزائري ستكون صعبة.
وقال كريمو، في اتصال هاتفي مع موقع “كيفاش”، إن “المباراة غتكون صعيبة حيت الفريق الجزائري فريق عنيد معانا”.


وأضاف “كنظن أن الفريق الوطني واجد وجاهز للماتش ديال الجزائر ولكن كيبقى الفريق الجزائري فريق قوي وعندو لعابة في المستوى وكنتمنى من الله نفوزو عليهم حيت الإمكانيات كاينة الحمد لله”.

وعن توقعاته لتشكيلة المنتخب الوطني الرديف، قال كريمو، “كنظن أن الفريق الأول والثاني هما اللي غادي ياخذ منهم عموتة اللعابة، بحال جبران والحسوني ورحيمي والحافيظي وبانون والناهيري”، مضيفا “ما نظنش أنه غادي يبدل واحد الفريق اللي عطى الكثير”.
وأشاد كريمو بالجماهير المغربية، قائلا إن “المغاربة فين ما مشاو هازين الدرابو… وكنظن أن لومبيونص غيكون كبير بين الجماهير الجزائرية والمغربية، ما كانش كوفيد كون راه المغاربة كاملين تلقاهم فقطر.
واختتم حديثه بالقول “نتمناو الانتصار ونفرحو كاملين”.