• سابقة.. امرأة مصابة بالفشل الكلوي تنجب طفلا في مراكش (صور وفيديو)
  • مدرب الهلال السعودي: الوداد فريق صعب… والمباراة أمامه تعد بالفرجة والتشويق
  • بشرى لمهنيي النقل.. الحكومة تُحدد موعد صرف الدفعة التاسعة من الدعم المباشر
  • بقى أيام حتى تحللت الجثة.. وفاة مهاجر مغربي في إيطاليا وحيدا في منزله
  • قبل مواجهة الهلال السعودي في الموندياليتو.. أجواء حماسية في آخر حصة تدريبية للوداد !
عاجل
الجمعة 23 ديسمبر 2022 على الساعة 14:00

فرصة ما خاصهاش ضيع.. كيفاش يمكن نستثمرو النجاح اللي حققوه “أسود الأطلس” فالمونديال؟

فرصة ما خاصهاش ضيع.. كيفاش يمكن نستثمرو النجاح اللي حققوه “أسود الأطلس” فالمونديال؟

تحدث المحلل الاقتصادي، محمد جدري، عن كيفية استثمار النجاح الذي حققه أسود الأطلس في مونديال قطر 2022 خلال السنوات المقبلة، مشددا على أنه يجب استغلال فرصة هذه المرحلة التي تمر منها المملكة خاصة وأن أعين العالم الآن على المغرب.

وقال جدري خلال حلوله ضيفا على برنامج “مع الرمضاني” الذي يبث على القناة الثانية كل يوم أحد، إن “اليوم خاصنا نستغلو هاد الفرصة اللي تعطاتنا بعد الإنجاز التاريخي للأسود فالمونديال، وخاصنا نعرفو أن أعين العالم كلها على المغرب”.

وأضاف “اليوم ملايين من الناس كيبحثو على المغرب وكيعرفو مجموعة من الأمور، هاد الشي خاصنا نستثمروه باش غدا ما يكونش غير مرحلة ودايزة، ولكن يكون عندنا آثر اقتصادي ومالي على المملكة المغربية”.

وتابع “خاص الفاعلين السياسيين والفاعلين الاقتصاديين يروجو لكل ما يتعلق بصناعة السيارات، الطائرات، النسيج، الفلاحة، السياحة، هادي كلها أمور خاصنا نروجو ليها باش نجلبو مستثمرين آخرين اللي غادي يجيو، خصوصا وأننا خارجين من الجائحة ومن التضخم ومن الجفاف”.

كما أكد المحلل الاقتصادي، أن “الرياضة اليوم تحولت من الرياضة اللي هواية إلى صناعة كتدخل لينا العملة الصعبة، مثلا البرازيل را عندهم أول مداخيل العملة الصعبة عن طريق كرة القدم”.

وأوضح “ملي كنشوفو أكاديمية محمد السادس عطاتنا واحد 4 لاعبين اللي مشاو فأعلى مستوى، وأنا كنظن أن اليوم مجموعة من الآباء المغاربة غادي يمشيو يستثمرو فوليداتهم حيت عرفو أن هذا استثمار مربح”.

وبخصوص الأندية، شدد المحلل الاقتصادي على أنه “حان الوقت باش ننتقل من نظام منخرط إلى نظام الشركات، لأن الشركات هي اللي ممكن تمشي لينا ودير لينا واحد الصناعة رياضية حقيقية”.

وأشار إلى أنه “اليوم عندنا البنيات التحتيتة اللي مؤهلة، وعندنا رأس مال بشري ولكن خاصنا نمشيو إلى صناعة مدرة للدخل يعني تكون كتخلص الضريبة ديالها وتكون كذلك كدخل لينا الفلوس”.