• قبل مواجهة المغرب.. مدرب منتخب بلجيكا يحسم في مشاركة لوكاكو
  • طالبوا بـ”عدالة ضريبية شاملة”.. المصحات والأطباء الخواص يعلنون رفضهم للاقتطاع الضريبي من المنبع
  • بلقيس ضيفة في الموسم العاشر والموسم الجاي فالشك.. رشيد العلالي يكشف مستقبل “رشيد شو”
  • مجموعة برلمانية أوروبية: الجزائر تستخدم إمدادات الطاقة كسلاح سياسي
  • مدريد.. انتخاب خولة لشكر نائبة لرئيس الأممية الاشتراكية
عاجل
الجمعة 21 أكتوبر 2022 على الساعة 22:00

طوطو بعد الضجة والجدل: اللي مرضني أنه كنبان بحال يلا أنا ماشي مغربي ولا أنا “بوليساريو”!! (فيديو)

طوطو بعد الضجة والجدل: اللي مرضني أنه كنبان بحال يلا أنا ماشي مغربي ولا أنا “بوليساريو”!! (فيديو)

دافع مغني الراب طه فحصي الشهير فنيا بـ “الغراندي طوطو”، عن نفسه إثر الضجة التي أثيرت حوله بسبب تلفظه بكلمات خادشة للحياء أثناء إحيائه إحدى سهرات احتفالات “الرباط عاصمة للثقافة الإفريقية”.

وقال طوطو مدافعا عن نفسه: “ما بدلت النشيد الوطني، ما قربت لديانة ما سبيت مثليين، ما درت حاجة خطيرة، رفيق بولكر قاس الدين وباقي كيدوز فالتلفزة… “.

وتابع طوطو، خلال استضافته، اليوم الجمعة (21 أكتوبر)، في برنامج “بدون لغة خشب”، على إذاعة “ميد راديو”، “أنا ماشي كنعتذر على داك الشي اللي قلت، أنا كنعتذر حيث ما فهمونيش، راه قد دوك الناس اللي ما فهمونيش كاينين ناس فهمو…”.

وتسائل: “واش البيغ ما كانش كيخسر الهضرة؟ وحتى أنا ممكن واحد الوقيتة ما نبقاش نخسرها، راه أنا باقي صغير (26 عام)، وما أنا إيلا بشر عندي قلب ونظر”.

وزاد المتحدث: “اللي مرضني كنبان بحال يلا أنا ماشي مغربي، ولا أنا بوليساريو ولا ما عرفت كيف كنبان ليهم، دوك اللي كاعيين بحال يلا كنبان ليهم أنا ضد المغرب، وأنا أي بلاد كنطلع فيه كنهز الدراپو دالمغرب، أنا مغربي ومريض بالبلاد، وأنا ما كنهضرش غير على راسي وباسميتي، انا كاين بزاف بحالي”.

وارتباطا بالفيديو الذي يظهر فيه فوق منصة غنائية وهو يحمل قنينة كحول بيده، قال طوطو: “طلعت بها فبواط، بواط أش غتلقى فيها اللوز والگرگاع؟ أتلقى فيها الشراب، وهاداك الفيديو ماشي من المهرجان، الفيديو ديال نهار عيد ميلادي فبواط”.