• ضحية البلطجية في مسيرة باريس: لبست راية بلادي على الطريقة الصحراوية ومجرمي البوليساريو ضربوني
  • كلات العصا.. 900 مليار دولار خسائر الدول العربية من كورونا
  • في رسالة إلى رئيس اللجنة الأممية المعنية بممارسة الشعب الفلسطيني لحقوقه.. الملك يؤكد أن القضية الفلسطينية هي مفتاح الحل الدائم والشامل في منطقة الشرق الأوسط
  • بعد أزيد من عام على ظهوره.. اكتشاف 3 أعراض جديدة قد تدل على الإصابة بفيروس كورونا
  • 2021.. الفيفا يلمح لإجراء تعديلات على البطولات
عاجل
الأحد 14 يونيو 2020 على الساعة 09:00

طبيب مغربي: إيلا كان الهدف من الحجر هو تسجيل صفر حالة راه ما عمرها غادي تكون… خليو الناس يربيو المناعة (فيديو)

طبيب مغربي: إيلا كان الهدف من الحجر هو تسجيل صفر حالة راه ما عمرها غادي تكون… خليو الناس يربيو المناعة (فيديو)

قال الدكتور أحمد لحلو، طبيب اختصاصي في أمراض الأطفال، إن قرار الحكومة بتمديد حالة الطوارئ الصحية وتخفيف تدابير الحجر الصحي “قرار يحترم”، مستدركا أنه كان الهدف من فرض الحجر الصحي هو تسجيل صفر حالة “فهذا لن يتحقق”.

وأضاف الدكتور لحلو، خلال استضافته في برنامج “بدون لغة خشب”، أول أمس الجمعة (12 يونيو)، على إذاعة “ميد راديو”، “التمديد ما قبل الأخير اللي دارو لينا حنا ما محتاجينوش، ماشي كنقولو ما مزيانش، تنقولو يمكن ما كناش محتاجينو، وجات مع العيد قلنا ما فيها باس”.

واسترسل المتحدث: “الهدف من الحجر الصحي هو ما نسجلوش موجة كبيرة من الفيروس ويتغلب على المستشفيات والأطباء… والسؤال اللي خاصنا نطرحوه دابا هو شنو الهدف من الحجر؟ إيلا كنا كنتسناو نسجلو صفر حالة راه ما عمرها غادي تكون”.

شاهد:

واعتبر المتحدث أن للخروج من هذا الوباء “هناك 3 حلول”، “إما غنلقاو اللقاح، وهاد الشي اللي كنتمناو، والناس اللي غيصاوبه راه غيسبقو راسهم، يعني ما نتسناوش هاد الشي يكون قريب، والحل الثاني هو المناعة الجماعية… والحجر وصل الهدف ديال R0 وصل 0.7 يعني خليو الناس للمناعة ديالهم، وهاد الشي اللي شفنا فأوروبا، خلاو الدراري الصغار يمشيو للمدارس باش يتقاصو بالفيروس باش يربيو المناعة ديالهم”.

وتابع: “هاد الشي علاش نضنا حنا أطباء الأطفال كنقولو طلقو الدراري دابا باش يربيو المناعة ديالهم باش ملي توصل وقت المدراسة يكونو تقاسو بكورونا وبراو… واللي خالعنا حنا أنه إيلا ما درناش هاد الشي، فشتنبر ملي غيرجعو للمدارس غيبداو يتعاداو بيناتهم وغيبداو يجيوك الناس بالآلاف فيهم السخانة والتبوريشة والوجع والإسهال وسير فكها أنت واش كورونا ولا زكام”.

إقرأ أيضا: الحكومة ما دارتش بحسابهم.. أطباء يحذرون من خطر تمديد الحجر الصحي على نفسيات الأطفال

وأضاف الدكتور الاختصاصي في أمراض الأطفال: “خاصنا من دابا نطلقو الناس اللي صحتهم لاباس وخصوصا الأطفال، باش ما يمرضوش لينا بكورونا فنفس الفترة اللي تيكون الرواح”.