• يوم الخميس المقبل.. 4 نقابات في قطاع الصحة تخوض إضرابا موحدا
  • رغم غياب بوريطة.. الخارجية الإسبانية تؤكد أنها ستواصل تعزيز علاقاتها مع المغرب
  • انعقاد لجنة الاستثمارات.. الحكومة تصادق على مشاريع استثمارية بحوالي 4 ملايير درهم (صور)
  • كاين اللي مشى يدور وكاين اللي مشى يتعالج.. مغاربة واحلين فالخارج
  • وزارة الصحة: المغرب اتخذ مجموعة من التدابير الاستباقية للتصدي لأوميكرون
عاجل
السبت 23 أكتوبر 2021 على الساعة 16:12

حيت طلب منو “جواز التلقيح”.. تفاصيل اعتداء كليان على سرباي فالرباط

حيت طلب منو “جواز التلقيح”.. تفاصيل اعتداء كليان على سرباي فالرباط

تعرض نادل في إحدى مقاهي الرباط إلى اعتداء جسدي من طرف أحد الزبائن بعدما منعه من الجلوس لعدم توفره على جواز التلقيح.

وعن تفاصيل القضية، قالت الريس نعيمة، كاتبة فرع الرباط بالجمعية الوطنية لأرباب المقاهي والمطاعم، في تصريح لموقع “كيفاش”، “كليان جا للقهوة قال للسرباي عطيني قهوة وملي طلب منو جواز التلقيح ولاكارط ناسيونال ما بغاش يعطيه وقال ليه ما عندكش الحق شكون انت حتى تطلب مني هاد الشي بآشمن صفة”.

وأضافت “السرباي قاليه راه لبارح دازو عندنا السلطة وراه سدو شي قهاوي ودبا الله يجازيك بيخير عطيني الجواز ديالك… السيد ناض مشى جاب قهوة من بلاصة اخرى وجا جلس يشربها وملي جا عندو السرباي ناض بدى كيصرفق فيه وجر الطابلة وضربو بيها والسرباي ما ضربش وهاد الشي كيبينو الفيديو”.

وتابعت كاتبة فرع الرباط بالجمعية الوطنية لأرباب المقاهي والمطاعم “حنا بغينا السلطات تخرجنا من هاد الشي حيت كنلقاو مشاكيل معا الكليان وما عندناش الحق نحبسو الناس على قبل جواز التلقيح حيت يلا ما بغاش يعطيه غادي يبدا يضارب معاك”.

وواصلت “المشكل هو أنه السيد اللي تعدى على السرباي ما شدوهش”.

وختمت حديثها بالقول “السرباي ولا وجهو حمر بالتصرفيق وعندو آثار نفسية كثر ما جسدية قال باللي أنا احترمت القهوى والكليان دياولها”.