• بتدخل من أخيه الأكبر.. سفيان أمرابط يقترب من الدوري التركي
  • غادي يديرو التحليلة وريجعو.. انطلاق رحلات عودة العاملات المغربيات في إسبانيا
  • بونو: قادرين على التأهل إلى كأس العالم وتحقيق كأس أمم إفريقيا
  • 30 ساعة من الحجز واستجوابات بالساعات.. صحافيان جزائريان يرويان وقائع عمليتي اعتقالهما
  • النسور يتعثرون أمام بركان.. ياجور يوجع الرجاء في عقر الدار
عاجل
السبت 22 مايو 2021 على الساعة 19:00

الشريحة فاللقاح.. تجربة المغناطيس على الذراع مع نجيب المختاري (فيديو)

الشريحة فاللقاح.. تجربة المغناطيس على الذراع مع نجيب المختاري (فيديو)

المهندس نجيب المختاري، مول قناة “تبسيط العلوم” دار فيديو، كيرد فيه على، إشاعة جديدة بانت هاد الأيام على مواقع التواصل الاجتماعي، كيقولو صحابها باللي اللقاح ديال كورونا فيه شريحة، والدليل ديالهم على هاد الإدعاء، هو أن عدد كبير من الناس اللي دارو التلقيح فاش كيحطو المغناطيس على بلاصة الشوكة، كيبقى لاصق.

المختاري من خلال فيديو على إنستغرام، وضح باللي “فيزيائيا الشريحة باش يكون فيها ما يكفي من المعادن باش المغناطيس يتشد، خاص تكون كبيرة لدرجة مستحيل تتحقن بشوكة”.

واقترح اليوتيوبر المعروف بتخصصه في العلوم، تفسيرا بأن السبب ربما راجع لكون المكان الذي يحقن فيه المستفيدون من عملية التلقيح يكون عرضة للتعرق أكثر، وهو ما يسمح للمغناطيس بالالتصاق.

ومن خلال الفيديو المذكور، قام المختاري بتجربة عملية باستعمال الماء وقطعة نقدية.

وفي تصريح لموقع “كيفاش” قال نجيب: “مرة مرة كتبان إشاعة كاذبة جديدة حول اللقاح، آخر وحدة مفادها أنه إذا حطيتي مغناطيس فبلاصة الجلبة كيلصق المغناطيس… درت هاد الفيديو القصيرة فإنستغرام باش نشرح طريقة بسيطة يمكن تفسر هاد الفيديوهات المنتشرة واللي طبعا ما عندها علاقة مع أي شريحة”.

وتابع المختاري داعيا مرتادي مواقع التواصل الاجتماعي إلى مشاهدة مقطع فيديو تفصيلي عن الموضوع، قائلاً: “كاين فيديو أطول فقناتي على اليوتيوب كيهضر بشكل مفصل أكثر عاى موضوع سلامة اللقاح والإشاعات الكاذبة حول احتواء اللقاح على شريحة ذكية”.

https://www.instagram.com/reel/CPJpz7TBiPx/?utm_medium=copy_link