• العثماني: البلاغ اللي كيروج ديال العام الفايت… ولم نصدر أي بلاغ جديد بخصوص منع أو تقييد التنقل بين المدن
  • هجمو على الناس بالسيوف وسط القهوة.. إيقاف أبطال فيديو المقهى في سلا
  • القنديل والتراكتور مجتمعين: “قضية بيغاسوس” لها خلفيات لا تُخفى
  • وصفه بالكفء والوفي والنزيه والمتدين.. ابن كيران يدافع عن الحموشي
  • ابن كيران: اللي كيقول المخابرات كتتجسس على الملك كذاب… وحلّوا عينيكم يا المغاربة (فيديو)
عاجل
الأربعاء 30 يونيو 2021 على الساعة 19:00

السماح للأطباء الأجانب بممارسة المهنة في المغرب.. آشنو قالو أطباء مغاربة؟

السماح للأطباء الأجانب بممارسة المهنة في المغرب.. آشنو قالو أطباء مغاربة؟

صادق مجلس النواب، في جلسة عمومية يوم أمس الثلاثاء (29 يونيو)، بالإجماع على مشروع القانون رقم 33.21 يقضي بتغيير وتتميم القانون رقم 131.13 المتعلق بمزاولة مهنة الطب، ما سيسمح باستقطاب أطباء أجانب، من أجل سد الخصاص الكبير الذي تعاني منه المنظومة الصحية.

بالإجماع.. مجلس النواب يصادق على مشروع قانون لاستقطاب الأطباء الأجانب

وفي تعليقه على الموضوع، قال الدكتور جعفر هيكل، أستاذ في الطب، واختصاصي في الاقتصاد الصحي، في تصريح لموقع “كيفاش”، إن الأطباء المغاربة ليسوا ضد هذا المشروع الذي سيسمح باستقطاب أطباء أجانب ولكنهم يختلفون معه.

وقال هيكل إنه “يجب احترام أولا الديبلومات ديال الأطباء المغاربة والجامعات والكليات المغربية… وخاص على الأقل هاد الأطباء الأجانب يكون عندهم نفس المستوى ونفس التجربة ويكون عندهم حتى هما الكفاءات العليا لأن الملك محمد السادس طالب بكفاءات عليا اللي تساعد في المناطق اللي طبعا كاين فيها واحد الخصاص فالأطباء والممرضين ومهنيين الصحة”.

شاهد أيضا: أطباء مغاربة: حنا ماشي ضد دخول الأطباء الأجانب ولكن ما يمكنش لأي طبيب فأي مستوى يجي يخدم فالمغرب

وأضاف هيكل “وزارة الصحة ما عطاتناش معلومات على فين هي الأمكنة اللي فيها خصاص وشنو التخصص اللي ناقص… هاد المشروع ما قالوش لينا فيه هاد الأطباء الأجانب فين غادي يمشيو لأنهم يلا مشاو غير الدار البيضاء والرباط ومراكش وطنجة وأكادير فراه مافكيناش المشكل ديال الخصاص لأن الخصاص كاين فالمناطق النائية والبادية وفشي مناطق اللي ما فيهاش مهنيين الصحة بكثرة وهذا المشكل الكبير ديال المنظومة الصحية”.

وتابع “حنا ما عندناش المشكل ديال خصاص الأطباء فالمشكل اللي عندنا ديال المنظومة الصحية هي الحكمة هي التدبير هي الإمكانيات المادية والامكانيات التقنية للأطباء باش يشتاغلو والممرضين وراها بزاف ديال المسائل اللي طالب بيها الملك من 2018”.

إقرأ أيضا: أطباء مغاربة: الأطباء الأجانب مرحبا بهم ولكن خاصنا نتأكدو من الكفاءات ديالهم ويكونو فالمستوى اللائق بصحة المواطن (صور وفيديو)

وأكد هيكل أن “الهيئة الوطنية للأطباء اقترحت بعض التعديلات في هاد القانون ولكن للأسف وزير الصحة ما تقبلهاش”.